இங்க என்ன சொல்லுது என்ற படத்தின் மூலம் ஹீரோவாக அறிமுகம் ஆகிறார் விடிவி கணேஷ். தானே சொந்தமாக தயாரிக்கும் இந்த படத்தின் படப்பிடிப்பு மிக வேகமாக நடந்து வருகின்றது.இந்த படத்தில் நடிப்பதற்காக சந்தானம், மீரா ஜாஸ்மின், சொர்ணமால்யா ஆகியோர் ஏற்கனவே ஒப்பந்தம் ஆகியுள்ளனர். இந்நிலையில் இவர்களுடன் கலந்து கொள்கிறார் விடிவி கணேஷின் ஆஸ்தான நடிகர் சிம்பு.இங்க என்ன சொல்லுது படக்குழுவினர் மலேசியா சென்று படத்தின் பெரும்பகுதியை முடித்துவிட்டார்கள். தற்போது இறுதிக்கட்ட படப்பிடிப்பு வேலைகள் கோவா தலைநகரில் நடந்து வருகிறது. இதில் சிம்பு கலந்து கொள்கிறார். சிம்பு இந்த படத்தில் கெளரவ வேடத்தில் நடிக்கிறார். இதற்காக அவர் சம்பளம் எதுவும் பெற்றுக்கொள்ளவில்லை என்பது ஹைலைட்.கோவாவில் உள்ள கடற்கரையில் இதன் படப்பிடிப்பு தற்போது மிக விறுவிறுப்பாக நடந்து வருகிறது. சிம்புவும், விடிவி கணேஷும் கோவா கடற்கரை ஓட்டலில் ஹீரோயின் மீரா ஜாஸ்மினுடன் உல்லாசமாக இருப்பது போன்ற காட்சிகள் படமாக்கப்பட்டன. இப்படத்தை வரும் ஆகஸ்ட் மாதம் வெளியிட முடிவு செய்துள்ளனர்.
